عجـــ،،،ـــائب المسلسلات المدبلجه

الآن مسلسل نور التركي يأخذ نفس الصدى،لا ادخل مكانا الا واجد فيه الافواه مفتوحة والعقول شاردة،حتى في "معاطات الجاج" وفي معامل "البلوك"..بالامس مثلا حاولت ان اشتري حبوب "للمغص"من صيدلية قريبة، ظلت الصيدلانية تمشي وهي تنظر الى مهند "بطل المسلسل " ...وتبحث عن طريق اللمس بين الرفوف عن دواء المغص وعيناها مسلطتان على "مهند" دون ان ترمش رمشة واحدة

وعندما اعطتني الدواء قرأت الاسم فاكتشفت انه عبارة عن حبوب "منع الحمل".



الشباب "مفلوقين" من جمال مهند وانا منهم ..والصبايا مشدودات بطريقة هستيريا لهذا البطل ..حتى قال لي صديق ان الاسم الاكثر استعمالا الان في الاحوال المدنية للمواليد الجدد هو"مهند " .انا لا استغرب ذلك عن شعبنا الرومانسي ..فقبل يومين شاهدت "ابو نواف" جوز فزّة يجلس وحيدا وهو يضع يده تحت رأسه متكئا على وسادتين ...بينما صوت ابطال مسلسل نور ينبعث عاليا من الصالون.. وصوت فزّة تقول محذرة ::ولك لا تطلعيش معه يا قاروووطه"..والتحذير

على ما يبدو "لنور"، عندما قررت الخروج مع "ابصر مين" ..ثم سمعتها اقصد "فزّة" تقول للحجي المركون في البلكونة مثل ارجيلة مطفأة :توكل بطيخ يا "مهند" ..ثم تداركت وقاتلت:قصدي يا "ابو نواف" .



احزنني الموقف ،خمسون عاما وهو زوجها وها هي قد نسيت اسمه في الحلقة العشرين.

مشكورة اردنية بس في امرو حاب اعلق عليها

انا اذكر مسلسل كساندرا جيدا ما كنت بتابعو
وهذا مسلسل نور اكلو راسنا في بس على فكرة

بحب اتابع الكوميديا بشكل خاص

غير هيك انا ما بفضا اتابع مسلسل ما بربط حالي
ما بحب الروتبن كل يوم على الساعة الفلانية اقعد احضر كذا وكذا

احلا اشي كل يوم اشي جديد في حياتك

بيـــ(الأردن)ـــرق

رامي الطراونه كتب:

اول اشي : مشكوره على هاذ الموضوع

المشكله اني ما عمري تابعت مسلسل منا صحبه انا والريموت

العفووووو يا رامي .... ههههههه والله احسنلك انا كمان ما بحب التلفزيون كتير مش منجذبه اله لانو طول وقتي ع النت بس عل قولة بيرق اكلو راسنا في نور وكاسندرا كنت اسمع فيه ...
والمشكله هلأ الاطفال صارت تحضر هيك مسلسلات والله هاد رح يعطي تأثيرات سلبيه كتير في مجتمعنا ( مجتمع العز ) ههههه وشكررررررررا ع الرد ياااااا رامي

بيرق الأردن كتب:

مشكورة اردنية بس في امرو حاب اعلق عليها

انا اذكر مسلسل كساندرا جيدا ما كنت بتابعو
وهذا مسلسل نور اكلو راسنا في بس على فكرة

بحب اتابع الكوميديا بشكل خاص

غير هيك انا ما بفضا اتابع مسلسل ما بربط حالي
ما بحب الروتبن كل يوم على الساعة الفلانية اقعد احضر كذا وكذا

احلا اشي كل يوم اشي جديد في حياتك

بيـــ(الأردن)ـــرق

شكرا ع الرد ياا حويطات .... اكيد التغير اشي حلو في كل يومنا لانو الواحد بزهق من الروتين وبصير معه مرض نفسي بعيد عنك واكيد المسلسلات المضحكه احسن واحلى بس بنظري لما تحضر مسلسل عاطفي يمكن يحرك مشاعرك ...... شكرا ع الرد مره تانيه