موضوع نقاشي يشغل بال كل اردني تعالو نتناقش بلكي وصلنا لحل

طبعا اول شي بحب المح في انو هاي كلمه احدى اصحاب المنتديات الاردنيه وحاب انقلها الكم حرفي لانها اعجبتني كثير

موضوع نقاشي يشغل بال كل اردني تعالو نتناقش بلكي وصلنا لحل Get-6-2008-1lng49mp

موضوع نقاشي يشغل بال كل اردني تعالو نتناقش بلكي وصلنا لحل Get-6-2008-ekn3pa6o

موضوع نقاشي يشغل بال كل اردني تعالو نتناقش بلكي وصلنا لحل Get-6-2008-ywu1b2qt

موضوع نقاشي يشغل بال كل اردني تعالو نتناقش بلكي وصلنا لحل Get-6-2008-z1uc98b9

موضوع نقاشي يشغل بال كل اردني تعالو نتناقش بلكي وصلنا لحل Get-6-2008-szov8blm

[size=16]السلام عليكم ورحمة الله وبركاته

كيف اخواني واخواتي الاعزاء رح اسولف بالعامي لانه هالمعاناه اللي يعيشها اهلنا ومواطنين دولتنا الحبيبه من قلب الواقع المؤلم اللي باخر نزله الي عالاردن حسيت فيه بصراحه نزلت اسبوع وما اخفيكم دخلت البلد بشوووووووق وحب لتراب الاردن الغالي اللي عشت فيها وتربيت وتعلمت وعايشت كبارها وصغارها ورجعت بخيبه امل من ماسمعت ورايت وهذا حالي بكل مره انزل فيها للاردن

ومن سنه 2003 الي سنه 2008 الفرق شاسع كل ما كنت انزل احصل زياده بمستوى تهكم الشعب الاردني وامتعاضه من الرفع المستمر باسعار السلع الغذائيه والاستمرار برفع المحروقات والاستمرار بظهور قوانين وانظمه ترجع الاردن للورا بدل ما نتقدم لقدام وكانه هالحكومات تشتغل بالعكس الناس تتقدم واحنا نتراجع

صح ياجماعه الخير في تطور عارف بعضكم يحكي في يا ابن الناس تطور بس تطور بالقشور بس اخذنا من الحياه الغربيه قشورها وتركنا الجوهر تركنا المضمون وهو الاهم

انترنت ودخلنا موسوعه جينس باكثر شارع فيه انترنت كافيه باربد هذا غير الانتشار الواسع للانترنت

انتشاااااااااار الموبايلات باخر الصرعات اللي انهكت المواطن المشحر كل ماينزل موبايل جديد يجدد ويبدل ويعرط كم يوم ويبيعو عند تفاقم الازمه الاقتصاديه عليه او اذا كثرت ديونو وبطلت توفي معه تشييل الطواقي ياخذلو قرض

كمان البنايات والمجمعات التجاريه اللي 90% من روادها متفرجين ومافي اي حركه تجاريه ولا قوه شرائيه للسكان ... ماعلينا

اغراق البنوك بعروض القروض لما صار المواطن الاردني راهن عيلتو وكل مايملك للبنوك علشان يركب سياره اخر موديل ويعمر بيت ويعلم عيالو كلهم بالجامعات ويعزم عزايم قد راتبو مرتين ويسافر ويشتري موبايل ويسافر ويشابه خلق الله اللي كلهم ماكلين هوا وعلى قوله محدا احسن من حدا .. بس لوين اخر هالحاله ؟؟؟!! ومين المستفيد غير البنوك وزمره معينه

كل هالامور كويسه ومش غلط التكنولوجيا ومش غلط الانسان يوفر لنفسه عيش كريم بس لازم يكون في موازنه بين الدخل وبين تكاليف الحياه والتكنولوجيا اللي تفرضها الحكومات المتعاقبه على الاردن

ولا اخر شغله قانون السير يعني بالله عليكم مخالفه الرادار صارت 50 دينار اذا كنت ماشي اكثر من 90 على اي طريق بالمملكه بالله هذا قوانون بني ادمين ؟؟!!! يعني الاوتستراد او شوارع داخليه كويس 90 بس طرق خارجيه مثل العقبه مثل اربد عمان مثل عمان المفرق الشارع سايدين والشارع فاضي اشي طبيعي تمشي اكثر من 90 والمشكله تلاقيهم يتصيدو السيارات ويتخبو مثل ال ....!! وتلاقي 4 دوريات بالطريق يعني وين بتروح منا وراك وراك واذا زدت عن ال 90 واسرعت ل 95 خلص خالفوك 50 دينار بالله الموظف اللي راتبو 150 دينار او 200 لما يروح ربع او ثلث راتبو شو ظل الو نفس يعيش كيف بدو يعيش باقي الشهر وين اللي عملو القانون لازم يكون في موازنه بين المخالفات والرواتب احنا مش بكندا

اذا بالامارات المخالفه 200 درهم يعني 38 دينار وهي دوله بتروليه يعني الرواتب فيها عاليه الواحد يدفع المخالفه وماتفرق معه بس بالاردن ينتحر وراها احسنلو

لا واذا دخنت بالسياره 20 دينار اذا استخدمت الموبايل 20 دينار حزام الامان 20 دينار ياعيني على هيك اسعار اشي رائع

نصيحتي للقائمين على اداره السير وامانه عمان لانه كل المخالفات تروح الها يتقو الله بالناس ويعرفو انه في اشي اسمه موازنه بين قيمه المخالفات ورواتب الناس

واخر شغله وبدون شرح الها تفشي الفساد الاخلاقي سنه عن سنه وحكيت كلمه لاهلي زمان كل مازاد الطفر يزيد البغاء وفهمكم كفايه

وشغله الرشاوي اللي زادت بشكل رهيب كنا نعاير سوريا صرنا ... الله المستعان وانا ما الوم المواطن لانه من وين رح يدبر كل اللي شرحتو فوق

وبرايي الشخصي لو الحكومه يكون الها اداره منطمه وجيده تستثمر جهود جلاله سيدنا اللي من بلد لبلد يوفر القروض والاستثمارات من خلال تسويقو للاردن ماكان حال الاردن هيك وماكان وصلنا لهالمرحله وبكل مرحله يكون خطاب الملك بيضرب عالوتر الحساس بس لاحياه لمن تنادي وكانه حكوماتنا من عالم اخر

كل هالقصص لو تنحل صدقوني بلدنا تكون بخير

وطلبي منكم كل واحد يناقشني بالقضايا اللي قمت باثارتها واذا سمع بقوانين معوقه وغبيه ببلدنا يذكرها علشان نعرفها

واللي حاب يفش غلو ويحكي الباب مفتوح بس بدون اساءه او تجريج ويكون النقد بناء[/]

طبعا مثل ما حكيت منقوووول حرفي
[/size]

زائر

مشكور يا محمد الموضوع رائع
والكلام الموجود فيه كله من الواقع العايشين فيه
كمان مرة
thanxxxxxxxxxxx

زائر

بسم الله الرحمن الرحيم

سيد محمد اتقدم لك بالشكر على هذا الموضوع الرائع والذي يتحدث عن واقع يعيشه شعبنا اما بالنسبة لقانون السير فكثر الكلام عنه ومما سمعت ان واضع هذا القانون وضعه مقارنة بالقانون الكندي او البريطاني على ما عتقد وعندما طبق هذا القانون رفضه جلالة سيدنا ورفضه مجلس الامة وتم ارجاع قانون السير القديماما بالنسبة للرادار بشكل خاص اذا بدي اسهب باعمالهم انا شفت العجب اول شي يكون مختفي وراء احد اللافتات الكبيرة وهذه لا شئ انا في احد المرات عللى طريق المفرق يا جماعة الشارع بجانبه تلة مرتفعة وكان الشرطي ماسك الرادار فوق وعلى اللاسلكي يخبر الدورية اللي تكون ورا التلة ولسة هذا ولا شي في مرة بنفس الشارع غرفة مهجورة بجانب الشارع شفت شرطي جوة الغرفة مع الرادار وبعد مسافة بسيطة تلقى الدورية تستنى فيك وفي كثير زي هيك واللي عندو سيارة بلاحظ الامر هذا مع انو يا جماعة يجب ان تكون هناك شاخصة تظهر لك انه يوجد رادار وهذا ما نلاحظه على طريق العقبة لكن لما تكون في شاخصة ما تلقى رادار واذا ما في شاخصة تلقى رادار واعذروني ان اطلت

بيـــ(الأردن)ـــرق

فعلا معك حق بيرق

كل كلامك صحيح وانا اذكر احدى المرات كنت رايح على العقبه وكانت السرعه المسموحه اذكر ((70 )) شو 70 على طريق الصحراوي وانا كنت ماشي 118 وحاس حالي بقزدر حتى كانت واقفه دوريه بسياره خصوصي وحاطين مصلى على الشباك والردار فوقه بس والله عيب

زائر

مشكووووووووووووووووور اخوي
بصراحه اشي برفع الضغط والكلام والمطالبات عن الاسعار والمخالفات ومحاولات خفضها صار مطلب عقيم وكله مطنش
انا من القصص اللي صارت معي وانا نازل على العقبه كمان رادار بس هالمره اللي كان ماسكه واحد لابس مدني وواقف على درجات مقابل للدوريه وبس باشر من بعيد وبصرخ السياره الفلانيه مخالفه الباص الفلاني مخالف مع العلم ما وجد اي اشي يثبت انه السايق كان متجاوز السرعه حتى على الرادار نفسه..
مابنقول غير حسبي الله ونعم الوكيل