زائر
زائر
 |  موضوع: لــــيلة حـــب أردنـــيــــــة  14/07/08, 08:38 am | |
| لــــيلة حـــب أردنـــيــــــة
خلف فجأة : ولك يا قردة شكلك ناسية انو مثل هاظ اليوم قبل سنتين كان اول مرة بشوف سنحتك وبنحب بعض, يعدمني جدوقك شو ناسية.
شفيقة: والله جد ولك تفو عليك شو بحبك , بعدك متذكر يا مقلعط؟
خلف : هووووه , هو الي بشوف هالشكل الي بقطع الرزقة بنساه؟
-هاهاههاهاهاهاها يلعن ابوك شو حكياتك حلوين وهاظ الي معلقني فيك , تتذكر اول مرة تلقينا ؟
- هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟
- ولك الله يقطعك شو رومانسي , كيف هيك تجرأت واتخذت هاي الخطوة الجريئة؟ , جد انا بحب الشب المبادر والقلبو قوي
- يالله عاد هسه بدك تكبري راسي وتظلك تمدحي فيي؟ ,, انتي كمان بزقتي علي يومها تتذكري؟ , والله ما بنسى بزقتك وهي بتتدلى على وجهي وبتنزل شوي شوي ,, يومها عنجد عرفت انك بتحبيني ..
...آه والله يا خلوفتي انا ما بزقت عليك الا لأني بحبك,,
.يا قلبي انتي
-حياتي .
- طيب تتذكري يوم دخلتنا؟
- ههههههههههه ما بنساه ,, يلعن حرمك --- لو كنت بحبك مرة صرت أحبك ألف مرة بعد هظاك اليوم , يوم ما اقترحت علي انو نتباطح والي ببطح الثاني 3 مرات هو الي بنام عالارض والفايز بنام عالتخت .
- يالله يومها شو انبسطت , بس صحيت ثاني يوم مكسره عظامي من النومه عالارض .
ماهو يا خلف انا بطحتك 5 مرات .
- لا والله بس بطحتيني عالارض 4 مرات ,, آخر وحدة مش محسوبة.
- كيف مش محسوبة بطحتك المرة الخامسة لما دعست على رقبتك ناسي؟
-هو هووو علينا خلص مو مشكلة يا ستي بطحتيني خمس مرات ,, هسه ما تظيعي علينا الاحتفال بهاي الليلة الي ما بتتعوض .
- والله معك حق , خلص شو رأيك انا اليوم رح اخليها ليلة رومانسية بشكل ,,
- شو رح تعملي؟
انت ما عليك بس حظّر الشمع واشعله وسكر الظواو وهسه باجي .
وما ان اشتعل الشمع الا وخرجت شفيقة من المطبخ حاملة صحن كبييييييير مجدرة ,, فإنغمرت عيون خلف بالدموع فرحا , حمد ربه ووعد شفيقة بأن يبقى مخلصا لها ..
فما كان من شفقية الا ان طلبت منه بوسه ,, فلما لفلها خده عضت أذانه فضحك وضحكت ,,
وبقيو على الطاولة يأكلون المجدرة لأخر الليل ,, ويقال انهم الى الان بياكلو بالمجدرة |
|
MOHAMMED AL-TARAWNEH
Admin
 عدد الرسائل : 308
العمر : 36
المزاج : مش معصب
نقاط : 1
تاريخ التسجيل : 05/06/2008
| | موضوع: رد: لــــيلة حـــب أردنـــيــــــة 14/07/08, 09:54 am | |
| ههههههههههههههههههههههههههههههههههههههههه اما ليليه من الاخر والله نيالهم بطلعلهم خليهم المساكين يتهنو في الحب هههههههههههههههههههههههههههههههههههههههههههه  | |
|
زائر
زائر
| | موضوع: رد: لــــيلة حـــب أردنـــيــــــة 15/07/08, 04:29 am | |
| |
|
زائر
زائر
| | موضوع: رد: لــــيلة حـــب أردنـــيــــــة 15/07/08, 07:43 am | |
| |
|
زائر
زائر
| | موضوع: رد: لــــيلة حـــب أردنـــيــــــة 15/07/08, 07:44 am | |
| |
|
