زائر زائر
| موضوع: حــــــــوار افـــــــــراد عــــــــائـــــلة اردنيــــــــــــــــة ههههههه 16/06/08, 03:21 am | |
| حوار افــــراد عائــــلة اردنيــــــة
الأب مخاطب
الاب : تعال وله
الابن و بكل براءة : نعم
الأب :نعامة ترفصك ... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ....رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله ... لما ابوك يحكي انت بتخرس
الابن :أخرس؟
الأب : آه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ....حكيتلك اخرس
الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : ايش "بتشوفوني غلط" هاي ... شايفنا عميان ولا حول ؟
الابن : لا اله الا الله
الأم : الله يوخذك انشالله .... يا ريتني خلفت ابن الجيران ولا خلفتك …
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله ... يا الله ... يا جماعه شو مالكوا ... شو فيه ؟
الأم: آه صحيح انت ليش ناديت عالولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
الاب : خلص روح ارجع على غرفتك يابا هههههههه احلى حوار والله اختكم هديل المجالي :joker: |
|
MOHAMMED AL-TARAWNEH Admin
عدد الرسائل : 308 العمر : 36 المزاج : مش معصب نقاط : 1 تاريخ التسجيل : 05/06/2008
| موضوع: رد: حــــــــوار افـــــــــراد عــــــــائـــــلة اردنيــــــــــــــــة ههههههه 16/06/08, 04:07 pm | |
| هههههههههههههههههههههههههههههههه
فعلا احلى حوار
ومشكوره اختي هديل | |
|
زائر زائر
| موضوع: 97=== صح 22/06/08, 08:09 am | |
| - صاحب الموقع كتب:
- هههههههههههههههههههههههههههههههه
فعلا احلى حوار
ومشكوره اختي هديل هلا Admin شكرا للرد ,,,, بس تتزوج ويجيك ولد على خيرررر رح يكون النقاش زي هيك ههههههه |
|